साना किसान लघुवित्त लिमिटेड २०७१/७२

नाफा नोक्सान

५५ करोड ५८ लाख रुपैयाँ आम्दानी गरि १९ करोड ९१ लाख रुपैयाँ व्याज खर्च पश्चात ३५ करोड ९२ लाख रुपैयाँ खुद व्याज आम्दानी गरेको छ । खुद ब्याज आम्दानी १२ करोड ८४ लाख रुपैयाँ बढेको छ जुन अगिल्लो वर्ष भन्दा ५५ प्रतिशत बढी हो ।

शुल्क, कमिसन र बट्टाबाट ७ हजार रुपैयाँ मात्र आम्दानी गरेको छ । अगिल्लो वर्ष १३ लाख रुपैयाँ आम्दानी गरेको थियो । त्यस्तै, अन्य संचालन आम्दानी घटेको छ । यस शीर्षकबाट १ लाख रुपैयाँ मात्र आम्दानी गरेको छ अगिल्लो वर्ष ५ लाख रुपैयाँ आम्दानी गरेको थियो ।

मानव संशाधन तथा व्यवस्थापन खर्च अघिको कुल संचालन आम्दानी ३५ करोड ९४ लाख रुपैयाँ रहेको छ । जुन अगिल्लो वर्ष भन्दा ५४ प्रतिशत बढी हो ।

मानव संशाधन तथा व्यवस्थापनमा ६ करोड ५१ लाख रुपैयाँ खर्च गरेको छ । कुल संचालन आम्दानीको १८ प्रतिशत रकम यस शीर्षकमा खर्च गरेको छ ।

मानव संशाधन तथा व्यवस्थापन खर्च पछिको कुल संचालन आम्दानी २९ करोड ४३ लाख रुपैयाँ रहेको छ जुन अगिल्लो वर्ष भन्दा ७९ प्रतिशत बढी हो ।

खराब कर्जा, बोनस, कर र खुद नाफा

खराब कर्जा बापत करिब ५ करोड ४८ लाख रुपैयाँ छुट्टयाएको छ । गैर-संचालनबाट २४ लाख रुपैयाँ आम्दानी गरेको छ । खराब कर्जाबाट शून्य फिर्ता भएको छ । असामान्य गतिविधिबाट शून्य आम्दानी गरेको छ ।

बोनस र कर पछी १५ करोड ३९ लाख २३ हजार रुपैयाँ खुद आम्दानी गरेको छ जुन अगिल्लो वर्ष भन्दा ३५ प्रतिशत बढी हो ।

प्रमुख सूचकहरु

जोखिम भारित सम्पति १०.२७ प्रतिशत, खराब कर्जा ०.१७ प्रतिशत, लागत मूल्य ३ प्रतिशत, आधार दर उल्लेख छैन, औसत ब्याजदर अन्तर उल्लेख नभएको, तरलता ९ प्रतिशत, प्रतिशेयर आम्दानी रु. ६६.७३, प्रतिशेयर खुद सम्पति ४४०.०२, मूल्य आम्दानी अनुपात...................र लागतमा प्रतिफल १५.१६ प्रतिशत रहेको छ ।

सूचकहरुले स्थिति सामान्य छ भन्ने देखाएको छ । जोखिम बहन गर्नसक्ने क्षमता घट्दो छ । थप पूँजीको आवश्यकता परिसकेको छ । गत वर्ष नै बैंकले ५०% पूँजी बढाउनको लागि प्रस्ताव गरेको थियो र सोहि अनुरुप नेपाल धितोपत्र बोर्डमा स्वीकृतिको लागि पेश गरेको छ । खराब कर्जा झन्डै दोब्बर बढेको छ । ‘सुक्ष्म निगरानी’ सम्बन्धि निर्देशन जारी भएको अवस्था भएकोले नोक्सानी व्यवस्थाको लागि पर्याप्त रकम राखेको छ । ‘सुक्ष्म निगरानी’ सम्बन्धि निर्देशन अनुसार असार मसान्तसम्ममा नोक्सानी व्यवस्थाको लागि २ प्रतिशत व्यवस्था गर्नुपर्छ ।

लागत मूल्य घटेको छ । आधार दर उल्लेख नभएकोले कतिमा लगानी गरेको छ थाहा हुनसकेन । बैंकसँग रहेको संचित कोष र वार्षिक आम्दानीको अनुपात हेर्दा लागतमा हुने प्रतिफल सवल रहेको देख्न सकिन्छ । तरलता न्यून छ ।

बैंकको आम्दानीको एक मात्र स्रोत ब्याज रहेको छ । ब्याज आम्दानी अत्यधिक बढेको छ । शुल्क, कमिसन, बट्टाबाट न्यून आम्दानी गरेको छ । अन्य संचालनबाट पनि न्यून आम्दानी गरेको छ । गैर-संचालन र असामान्य गतिविधिबाट आम्दानी गर्न सकेको छैन । बैंकको संचालन र कर्मचारी खर्च आम्दानीको १८ प्रतिशत रहेको छ । यसलाई उल्लेख्य मान्नुपर्छ । गत वर्षको तुलनामा यस्तो खर्च घटेको छ ।

बैंकले गत वर्षको आम्दानीबाट ५३ प्रतिशतसम्म लाभांश दिनसक्छ । तर, गत वर्ष न्यून मात्र लाभांश दिएकोले यसपाला अलि बढी दिनसक्छ ।

समाचारमा आए अनुसार केन्द्रीय बैंकले सबै प्रकारका लघुवित्त बैंकको चुक्ता पूँजी ४ गुणा बढाउन गृह कार्य गरिरहेको सन्दर्भमा भने यस कम्पनीलाई भने कुनै समस्या पर्ने देखिन्न ।

बैंकको पूँजी २३ करोड रुपैयाँ रहेको छ । जगेडामा ७८ करोड ४५ लाख रुपैयाँ रहेको छ । बैंकसँग अहिले निक्षेप शून्य र सापटी ७ अरब १७ करोड रुपैयाँ रहेको छ । लगानी तर्फ ८ अरब ९ करोड रुपैयाँ रहेको छ ।