माछापुछ्रे बैंक २०७१/७२

नाफा नोक्सान

३ अरब ९ करोड १ लाख व्याज आम्दानी गरि १ अरब ७५ करोड ३१ लाख व्याज खर्च पश्चात १ अरब ३३ करोड ७० लाख खुद व्याज आम्दानी गरेको छ । खुद ब्याज आम्दानी २२ करोड १० लाख ४८ हजार बढेको छ जुन अगिल्लो वर्ष भन्दा १९.८% बढी हो ।

शुल्क, कमिसन, डिस्काउन्टबाट हुने आम्दानी ६ करोड १२ लाखबाट बढेर ९ करोड १६ लाख पुगेको छ । त्यस्तै अन्य संचालन आम्दानी १८ करोड १० लाखबाट १८ करोड ३८ लाख पुगेको छ । वाणिज्य बैंकहरुको आम्दानीको अर्को मुख्य स्रोतको रुपमा रहेको विदेशी मुद्रा सटहीबाट ९ करोड आम्दानी गरेको छ अगिल्लो वर्ष ५ करोड आम्दानी गरेको थियो ।

मानव संशाधन तथा व्यवस्थापन खर्च अघिको कुल संचालन आम्दानी १ अरब ७० करोड २६ लाख रहेको छ । जुन अगिल्लो वर्ष भन्दा २०.८% ले बढी हो । मानव संशाधन तथा व्यवस्थापनमा ७६ करोड ९८ लाख ९७ हजार खर्च गरेको छ । कुल संचालन आम्दानीको ४५% रकम यस शीर्षकमा खर्च गरेको छ ।

मानव संशाधन तथा व्यवस्थापन खर्च पछिको कुल संचालन आम्दानी ९३ करोड २७ लाख ३३ हजार रहेको छ जुन अगिल्लो वर्ष भन्दा २५.५% ले बढी हो ।

खराब कर्जा, बोनस, कर र खुद नाफा

खराब कर्जा बापत १९ करोड ६७ लाख छुट्टयाएको छ । गैर-संचालनबाट ९ करोड आम्दानी गरेको छ । खराब कर्जाबाट १५ करोड फिर्ता भएको छ । असामान्य गतिविधिबाट ५७ लाख आम्दानी गरेको छ । बोनस र कर पश्चात ६१ करोड ३४ लाख ३६ हजार खुद आम्दानी गरेको छ जुन अगिल्लो वर्ष भन्दा ३५% ले बढी हो ।

प्रमुख सूचकहरु

जोखिम भारित सम्पति १२.४७%, खराब कर्जा ०.६४%, लागत मूल्य ४.६८%, कर्जा निक्षेप अनुपात ७२.५१%, आधार दर ७.६९%, औसत ब्याजदर अन्तर ४.२८%, तरलता ११.०२%, प्रतिशेयर आम्दानी रु. २०.७९, प्रतिशेयर खुद सम्पति १३८.६५, मूल्य आम्दानी अनुपात..................र लागतमा प्रतिफल १५% रहेको छ ।

बैंकका सूचकहरु सामान्य छ । जोखिम बहन गर्नसक्ने क्षमता घट्दै गएको देखिन्छ यसको लागि थप पूँजीको जरुरत देखिन्छ । बढ्दो पूँजीको आवश्यकता पुरा गर्न बैंकले अहिलेको चुक्ता पूँजीको २५% हकप्रद जारी गर्न लागेको छ । खराब कर्जा घटेको छ भए पनि नोक्सानी व्यवस्थाको लागि पर्याप्त रकम व्यवस्था गरेको छ । खराब कर्जा अत्यन्त न्यून भए पनि केन्द्रीय बैंकले जारी गरेको ‘सुक्ष्म निगरानी’ सम्बन्धि निर्देशनको कारण केहि बढी नै रकम छुट्टयाएको छ । ‘सुक्ष्म निगरानी’ सम्बन्धि निर्देशन अनुसार असार मसान्तसम्ममा नोक्सानी व्यवस्थाको लागि २% व्यवस्था गर्नुपर्छ ।

निक्षेप-कर्जा अनुपात तोकिएको सिमा नजिक छ । लागत मूल्य घटेको छ । आधार दर र औसत व्याजदर अन्तर घटेको छ । आधार दर र ब्याजदर अन्तर घट्दा पनि आम्दानीमा कुनै नकरात्मक प्रभाव परेको छैन । बैंकसँग रहेको संचित कोष र वार्षिक आम्दानीको अनुपात हेर्दा लागतमा हुने प्रतिफल सवल नै रहेको देख्न सकिन्छ । तरलता सामान्य अत्यन्त न्यून छ । हकप्रद पश्चात सामान्य हुने आशा गर्न सकिन्छ ।

ब्याज, शुल्क, कमिसन, डिस्काउन्ट, अन्य संचालन र विदेशी मुद्रा सटही लगायत सबै स्रोतबाट हुने आम्दानी बढेको देखिन्छ । लागत मूल्य घटेकोले ब्याज आम्दानी बढेको छ । व्याजदर अन्तर, आधार दर घट्दा पनि र गत वर्ष पूँजी बढ्दा पनि खुद आम्दानी बढेको छ । गैर-संचालन र असामान्य गतिविधिबाट पनि आम्दानी गरेको छ ।

बैंकको संचालन र कर्मचारी खर्च ४५% रहेको छ । यसलाई अधिक मान्नुपर्ने हुन्छ । यसलाई घटाउने चुनौती बैंक समक्ष छ ।

बैंकले गत वर्षको आम्दानीबाट १६% सम्म लाभांश दिनसक्छ ।

केन्द्रीय बैंकले आगामी दुई वर्षभित्र नै पूँजी बढाएर ८ अरब पुर्याउन निर्देशन दिएकोले पूँजी बढाउनु पर्ने वाध्यता थपिएको छ ।

बैंकको चुक्ता पूँजी २ अर्ब ७७ करोड ६२ लाख ५० हजार रहेको छ । बैंकले प्रकाशन गरेको वित्तीय विवरणमा २ अरब ९५ करोड देखाएको भए पनि १७ करोड हकप्रद वापत अग्रिम रुपमा जम्मा गरेको हो ।

जगेडामा १ अरब ७ करोड २८ लाख छ । बैंकसँग अहिले ४४ अरब २० करोड निक्षेप र लगानी तर्फ ३४ अरब ८१ करोड रहेको छ ।

केन्द्रीय बैंकले चुक्ता पूँजी बढाउन निर्देशन दिएकोले बैंकले निकै कठिनाइको सामना गर्नुपर्ने अवस्था छ । आफ्नै बलबुताले तोकेको स्थितिमा पुग्न सक्ने अवस्था छैन । त्यसको लागि वाणिज्य बैंकसँग नै गाभिनुपर्ने अवस्था आइसकेको छ ।