जानकी फाइनान्स २०७१/७२

नाफा-नोक्सान

१८ करोड ६० लाख रुपैयाँ व्याज आम्दानी गरि १० करोड ३० लाख रुपैयाँ व्याज खर्च पश्चात ८ करोड २९ लाख रुपैयाँ खुद व्याज आम्दानी गरेको छ । खुद ब्याज आम्दानी २ करोड ४९ लाख रुपैयाँ घटेको छ जुन अगिल्लो वर्ष भन्दा २३ प्रतिशत घटी हो ।

शुल्क, कमिसन, बट्टाबाट हुने आम्दानी ८६ हजार रुपैयाँबाट बढेर १ लाख रुपैयाँ पुगेको छ । अन्य संचालन आम्दानी पनि ३५ लाख ७५ हजार रुपैयाँबाट बढेर ५८ लाख ९४ हजार रुपैयाँ पुगेको छ ।

मानव संशाधन तथा व्यवस्थापन खर्च अघिको कुल संचालन आम्दानी ८ करोड ८९ लाख रुपैयाँ रहेको छ जुन अगिल्लो वर्ष भन्दा २० प्रतिशत घटी हो ।

मानव संशाधन तथा व्यवस्थापनमा १ करोड २७ लाख रुपैयाँ खर्च गरेको छ । कुल संचालन आम्दानीको १४ प्रतिशत रकम यस शीर्षकमा खर्च गरेको छ ।

मानव संशाधन तथा व्यवस्थापन खर्च पछिको कुल संचालन आम्दानी ७ करोड ६२ लाख रुपैयाँ रहेको छ जुन अगिल्लो वर्ष भन्दा २३ प्रतिशत घटी हो ।

खराब कर्जा, बोनस, कर र खुद नाफा

खराब कर्जा बापत ७१ लाख ९० हजार रुपैयाँ व्यवस्था गरेको छ । गैर-संचालनबाट ९ लाख रुपैयाँ आम्दानी गरेको छ । खराब कर्जाबाट २ करोड ८७ लाख रुपैयाँ फिर्ता भएको छ । असामान्य गतिविधिबाट १ करोड ४३ लाख रुपैयाँ आम्दानी गरेको छ ।

बोनस र कर पछी ७ करोड १९ लाख ३९ हजार रुपैयाँ खुद आम्दानी गरेको छ जुन अगिल्लो वर्ष भन्दा १० प्रतिशत घटी हो ।

प्रमुख सूचकहरु

जोखिम भारित सम्पति ३३.५६ प्रतिशत, खराब कर्जा ३.८३ प्रतिशत, लागत मूल्य ८.१५ प्रतिशत, निक्षेप कर्जा अनुपात ६६.१ प्रतिशत, आधार १०.३१ प्रतिशत, औसत ब्याजदर उल्लेख छैन, प्रतिशेयर आम्दानी रु. २८.९३, प्रतिशेयर खुद सम्पति १७९.३७, मूल्य आम्दानी अनुपात................र शेयरधनी कोष (इक्विटी) मा प्रतिफल १६.१२ प्रतिशत रहेको छ ।

सूचकहरुले स्थिति सामान्य छ भन्ने देखाएको छ । जोखिम बहन गर्नसक्ने सम्पति प्रशस्त छ । खराब कर्जा अत्याधिक घटेको भए पनि अधिक नै छ । खराब कर्जा अधिक हुँदाहुँदै पनि नोक्सानी व्यवस्था र केन्द्रीय बैंकले जारी गरेको ‘सुक्ष्म निगरानी’ सम्बन्धि निर्देशन अनुरुप पर्याप्त रकम छुट्टयाएको छैन । असार मसान्तसम्ममा नोक्सानी व्यवस्थाको लागि २ प्रतिशत व्यवस्था गर्नुपर्छ ।

निक्षेप-कर्जा अनुपात तोकेको सिमा भन्दा केहि तल रहेको छ जसले लागत मूल्य बढाएको देख्न सकिन्छ । लागत मूल्य घटेको भए पनि अधिक नै छ । आधार दर सामान्य नै मान्नुपर्छ । तर, पनि अधिक छ । व्याजदर अन्तर उल्लेख छैन । कम्पनीसँग रहेको शेयरधनी कोष (इक्विटी) मा हुने प्रतिफल सवल रहेको देख्न सकिन्छ । तरलता सामान्य नै मान्नुपर्छ ।

व्याज आम्दानी र व्याज खर्च घटे पनि खुद ब्याज आम्दानी बढ्न सकेको छैन । शुल्क, कमिसन र बट्टाबाट हुने आम्दानी सामान्य बढेको छ तर अन्य संचालन आम्दानी भने अलि बढी नै बढेको छ । गैर-संचालन र असामान्य गतिविधिबाट भएको आम्दानीले मात्र खुद आम्दानी करिब स्थिर राख्न मद्दत पुगेको छ । नाफाको आधार भनेकै यहि आम्दानी हो ।

कम्पनीको संचालन र कर्मचारी खर्च अत्यन्त न्यून भएकोले खुद आम्दानी स्थिर राख्न सहयोग पुगेको हो ।

कम्पनीले गत वर्ष ७० प्रतिशत पूँजी बढाएको थियो तर, सो अनुपातमा आम्दानी गर्न सकेको छैन । परिमाणात्मक आम्दानी पनि स्थिर राख्न नसकेर घटेको छ । पूँजी बढेपछि गुणात्मक रुपमा नै आम्दानी बढ्नु पर्ने हो । अब आउने दिनमा आम्दानीलाई कसरी गुणात्मक बनाउने भन्ने सोच्नुपर्ने भएको छ । लागत मूल्य घट्दा पनि आम्दानी बढ्न सकेन ।

कम्पनीले २३ प्रतिशत लाभांश दिनसक्छ जगेडा परिचालन गरेमा केहि बढ्न सक्छ । पूँजीको अनुपातमा निक्षेप कम छ ।

कम्पनीको पूँजी २४ करोड ८६ लाख २५ हजार रुपैयाँ, जगेडामा १९ करोड ७३ लाख ४३ हजार रुपैयाँ, निक्षेप १ अरब ३२ करोड रुपैयाँ र लगानीतर्फ १ अरब ८ करोड रुपैयाँ रहेको छ ।

दुई वर्ष भित्र राष्ट्रियस्तरको वित्त कम्पनीले पूँजी ८० करोड रुपैयाँ पुर्याउनपर्ने गरि केन्द्रीय बैंकले निर्देशन दिएकोले कम्पनीलाई व्यापार बढाउन र पूँजी थप्न पर्ने दायित्व थपिएको छ । यहि गतिमा रहेर ८० करोड रुपैयाँ पूँजी पुर्याउन पनि सम्भव छैन । यसको लागि यहि सरहको अरु ३ वटा वित्त कम्पनी गाभ्ने वा वाणिज्य बैंकसँग गाभिने मात्र बिकल्प रहेको छ ।