मेगा बैंक २०७१/७२

नाफा नोक्सान

१ अरब ८० करोड ४९ लाख रुपैयाँ ब्याज आम्दानी गरि ९१ करोड ४२ लाख रुपैयाँ व्याज खर्च पश्चात ८९ करोड ६ लाख रुपैयाँ खुद व्याज आम्दानी गरेको छ । खुद ब्याज आम्दानी गत वर्ष भन्दा ६ करोड ९४ रुपैयाँ लाख बढेको छ । जुन अगिल्लो वर्ष भन्दा ८.५ प्रतिशत बढी हो ।

शुल्क, कमिसन, बट्टाबाट हुने आम्दानी २ करोड ६८ लाख रुपैयाँबाट बढेर ३ करोड ५२ लाख रुपैयाँ पुगेको छ । अन्य संचालन आम्दानी ८ करोड १९ लाख रुपैयाँबाट बढेर १० करोड ९२ लाख रुपैयाँ पुगेको छ । वाणिज्य बैंकहरुको आम्दानीको अर्को मुख्य स्रोतको रुपमा रहेको विदेशी मुद्रा सटहीबाट १० करोड २३ लाख रुपैयाँ आम्दानी गरेको छ । अगिल्लो वर्ष ९ करोड ५२ लाख रुपैयाँ थियो ।

मानव संशाधन तथा व्यवस्थापन खर्च अघिको कुल संचालन आम्दानी १ अरब १३ करोड ७५ लाख रुपैयाँ रहेको छ । जुन अगिल्लो वर्ष भन्दा ११ प्रतिशत बढी हो ।

मानव संशाधन तथा व्यवस्थापनमा ४५ करोड ९२ लाख रुपैयाँ खर्च गरेको छ । कुल संचालन आम्दानीको ४० प्रतिशत रकम यस शीर्षकमा खर्च गरेको छ ।

मानव संशाधन तथा व्यवस्थापन खर्च पछिको कुल संचालन आम्दानी ६७ करोड ८३ लाख रुपैयाँ रहेको छ जुन अगिल्लो वर्ष भन्दा ११.५ प्रतिशत बढी हो ।

खराब कर्जा, बोनस, कर र खुद नाफा

खराब कर्जा बापत १५ करोड ५४ लाख रुपैयाँ छुट्टयाएको छ । गैर-संचालनबाट १० लाख रुपैयाँ आम्दानी गरेको छ । खराब कर्जाबाट ३ करोड १३ लाख रुपैयाँ फिर्ता भएको छ । असामान्य गतिविधिबाट ८१ लाख रुपैयाँ घाटा परेको छ ।

बोनस र कर पश्चात ३४ करोड ५६ लाख ११ हजार रुपैयाँ खुद आम्दानी गरेको छ जुन अगिल्लो वर्ष भन्दा १३ प्रतिशत बढी हो ।

प्रमुख सूचकहरु

जोखिम भारित सम्पति १३.९९ प्रतिशत, खराब कर्जा १.७५ प्रतिशत, कोषको लागत मूल्य ४.२५ प्रतिशत, कर्जा निक्षेप अनुपात ७६.१९ प्रतिशत, आधार दर ८.४८ प्रतिशत, औसत ब्याजदर अन्तर ४.४२ प्रतिशत, तरलता २४.२९ प्रतिशत, प्रतिशेयर आम्दानी रु. १३.२४, प्रतिशेयर खुद सम्पति ११८.३३, मूल्य आम्दानी अनुपात..................र शेयरधनी कोष (इक्विटी) मा प्रतिफल १२.६ प्रतिशत रहेको छ ।

बैंकका सूचकहरु सामान्य छ । जोखिम बहन गर्नसक्ने क्षमता राम्रो छ । खराब कर्जा अगिल्लो वर्षको तुलनामा घटेको छ तर गत त्रयमासको तुलनामा बढेको छ । खराब कर्जा घटेको भए पनि नोक्सानी व्यवस्थाको लागि पर्याप्त रकम राखेको छ । केन्द्रीय बैंकले जारी गरेको ‘सुक्ष्म निगरानी’ सम्बन्धि निर्देशनको कारण पनि केहि बढी नै व्यस्था गरेको हुनसक्छ । ‘सुक्ष्म निगरानी’ सम्बन्धि निर्देशन अनुसार असार मसान्तसम्ममा नोक्सानी व्यवस्थाको लागि २ प्रतिशत व्यवस्था गर्नुपर्छ ।

निक्षेप-कर्जा अनुपात तोकिएको सिमा नजिक छ । यसले निक्षेपको राम्रो उपयोग भएको देखाएको छ । लागत मूल्य गत वर्ष भन्दा घटेको छ । आधार दर पनि घटेको छ । औसत व्याजदर अन्तर बढेको छ । आधार दर र व्याजदर अन्तर घट्दा पनि आम्दानीमा सन्तुलन आएको छ । शेयरधनी कोष (इक्विटी) मा हुने प्रतिफल सामान्य देखिन्छ । तरलता सामान्य छ ।

ब्याज आम्दानी बढेको छ । शुल्क, कमिसन, बट्टा, अन्य संचालन र विदेशी मुद्रा सटहीबाट हुने सबै आम्दानी बढेको छ । सबै आम्दानी बढेकोले कुल संचालन आम्दानी पनि बढेको छ । गैर-संचालनबाट थोरै आम्दानी गरेको छ । असामान्य गतिविधिबाट नोक्सानी परेको छ । नोक्सानी व्यवस्थाको लागि गत वर्ष भन्दा बढी रकम राखे पनि खुद आम्दानी गत वर्ष भन्दा बढेको छ ।

बैंकको संचालन र कर्मचारी खर्च ४० प्रतिशत रहेको छ । यस्तो खर्च परिमाणात्मक रुपमा बढेको भए पनि गुणात्मक रुपमा स्थिर छ ।

बैंकले गत वर्षको आम्दानीबाट ११ प्रतिशतसम्म लाभांश दिनसक्छ । जगेडामा त्यति धेरै रकम नरहेकोले बढ्ने आशा कम गर्न सकिन्छ ।

बैंकको चुक्ता पूँजी शेयर २ अर्ब ६० करोड ९६ लाख रुपैयाँ रहेको छ । जगेडामा ४७ करोड ८३ लाख रुपैयाँ रहेको छ । निक्षेप २१ अरब रुपैयाँ र लगानीतर्फ १७ अरब रुपैयाँ रहेको छ ।

केन्द्रीय बैंकले आगामी दुई वर्षभित्र पूँजी बढाएर ८ अरब रुपैयाँ पुर्याउन निर्देशन दिएकोले पूँजी बढाउनु पर्ने वाध्यता थपिएको छ । बैंकका लागि अब कठिन दिन गणना शुरु भएको छ । कठिनाईलाई सामना गर्दै एकै पटक अधिक पूँजी थप्नुपर्ने अवस्थालाई आत्मसात गरेर अगाडी बढ्नु पर्ने भएको छ ।

क्षेत्रीयस्तरमा रहेको एक विकास बैंक गाभ्ने प्रक्रिया तोडिएको छ । बैंकसँग अहिले पनि पूँजीको अनुपातमा पर्याप्त निक्षेप छैन । बढ्दो पूँजी अनुरुप निक्षेप ल्याउन नयाँ योजनासँगै ८ अरब रुपैयाँ पूँजी पुर्याउन कस्तो रणनीति अपनाउने हो त्यो हेर्न धेरै दिन पर्खनु पर्दैन ।