नेरुड़े लघुवित्त बैंक २०७१/०७२

नाफा-नोक्सान

३२ करोड ७ लाख रुपैयाँ व्याज आम्दानी गरि ८ करोड ६१ लाख रुपैयाँ व्याज खर्च पश्चात २३ करोड ४६ लाख रुपैयाँ खुद व्याज आम्दानी गरेको छ । खुद ब्याज आम्दानी ५ करोड ६० लाख रुपैयाँ बढेको छ जुन अगिल्लो वर्ष भन्दा ३१ प्रतिशत बढी हो ।

शुल्क, कमिसन र बट्टाबाट ७ लाख ७६ हजार रुपैयाँ आम्दानी गरेको छ । अगिल्लो वर्ष ६ लाख ९१ हजार रुपैयाँ आम्दानी गरेको थियो । त्यस्तै अन्य संचालन आम्दानी ३ करोड ३३ लाख रुपैयाँ रहेको छ । अगिल्लो वर्ष २ करोड ७१ लाख रुपैयाँ आम्दानी गरेको थियो ।

मानव संशाधन तथा व्यवस्थापन खर्च अघिको कुल संचालन आम्दानी २६ करोड ८८ लाख रुपैयाँ रहेको छ । जुन अगिल्लो वर्ष भन्दा ३० प्रतिशत बढी हो ।

मानव संशाधन तथा व्यवस्थापनमा १२ करोड ७८ लाख रुपैयाँ खर्च गरेको छ । कुल संचालन आम्दानीको ४७ प्रतिशत रकम यस शीर्षकमा खर्च गरेको छ ।

मानव संशाधन तथा व्यवस्थापन खर्च पछिको कुल संचालन आम्दानी १४ करोड ९ लाख रुपैयाँ रहेको छ जुन अगिल्लो वर्ष भन्दा २३ प्रतिशत बढी हो ।

खराब कर्जा, बोनस, कर र खुद नाफा

खराब कर्जा बापत करिब ९३ लाख रुपैयाँ छुट्टयाएको छ । गैर-संचालनबाट शून्य आम्दानी गरेको छ । खराब कर्जाबाट शून्य फिर्ता भएको छ । असामान्य गतिविधिबाट शून्य आम्दानी गरेको छ ।

बोनस र कर पछी ८ करोड ३७ लाख ५७ हजार रुपैयाँ खुद आम्दानी गरेको छ जुन अगिल्लो वर्ष भन्दा २९ प्रतिशत बढी हो ।

प्रमुख सूचकहरु

जोखिम भारित सम्पति १८.५४ प्रतिशत, खराब कर्जा १.०८ प्रतिशत, लागत मूल्य ६.२३ प्रतिशत, आधार दर उल्लेख छैन, औसत ब्याजदर अन्तर उल्लेख नभएको, तरलता १६ प्रतिशत, प्रतिशेयर आम्दानी रु. ६७.०१, प्रतिशेयर खुद सम्पति २४८.४९, मूल्य आम्दानी अनुपात...................र शेयरधनी (इक्विटी) मा  प्रतिफल २९.९६ प्रतिशत रहेको छ ।

सूचकहरुले हेर्दा स्थिति सवल देख्न सकिन्छ । जोखिम बहन गर्नसक्ने क्षमता पर्याप्त छ । खराब कर्जा बढेको छ । नोक्सानी व्यवस्थाको लागि पर्याप्त रकम राखेको छ । ‘सुक्ष्म निगरानी’ सम्बन्धि निर्देशन जारी भएको अवस्था भएकोले नोक्सानी व्यवस्थाको लागि पर्याप्त रकम राखेको छ । ‘सुक्ष्म निगरानी’ सम्बन्धि निर्देशन अनुसार असार मसान्तसम्ममा नोक्सानी व्यवस्थाको लागि २ प्रतिशत व्यवस्था गर्नुपर्छ ।

लागत मूल्य घटेको छ । आधार दर उल्लेख नभएकोले कतिमा लगानी गरेको छ थाहा हुनसकेन । बैंकसँग रहेको संचित कोष र वार्षिक आम्दानीको अनुपात हेर्दा लागतमा हुने प्रतिफल सवल रहेको देख्न सकिन्छ । तरलता घट्दै गएको छ । थप पूँजीको आवश्यकता देखिईसकेको छ ।

बैंकको आम्दानीको एक मात्र स्रोत ब्याज रहेको छ । ब्याज आम्दानी अत्यधिक बढेको छ । शुल्क, कमिसन, बट्टाबाट करिब करोडको हाराहारीमा आम्दानी गरेको छ । अन्य संचालनबाट राम्रो आम्दानी गरेको छ । गैर-संचालन र असामान्य गतिविधिबाट आम्दानी गर्न सकेको छैन ।

बैंकको संचालन र कर्मचारी खर्च आम्दानीको ४७ प्रतिशत रहेको छ । यस्तो खर्च गत वर्ष भन्दा थोरै बढेको छ । कार्यक्षेत्र ग्रामीण भेग भए पनि संचालन खर्च तुलनात्मक हिसाबले हेर्दा यसलाई सामान्य नै रहेको मान्नुपर्ने हुन्छ ।

४ वटा इलाका कार्यालय र ४८ वटा शाखा- उपशाखा कार्यालयबाट बैंकले सेवा प्रवाह गरिरहेको छ । करिब ८० हजार विपन्न वर्गलाई सेवा पुर्याउन सकेको कुरा बैंकले प्रकाशित गरेको विवरणमा उल्लेख छ । गत वर्ष परिलक्षित गरेको कार्यक्रम अनुसार नै प्रगति हासिल गरेको कुरा पनि उल्लेख छ । सदस्यको बचत परिचालन पनि लक्ष अनुरुप नै हासिल गरेको छ ।

सदस्यहरुको बचत निक्षेप ३० प्रतिशत बढेर गएको छ भने सापटी १० प्रतिशत ले मात्र वृद्धि भएको छ । सापटीमा भन्दा सदस्यहरुको बचत निक्षेपमा वृद्धि देखिनाले बैंक आफ्नै श्रोतमा बढी निर्भर हुन खोजेको देखिन्छ । बचत परिचालन बढ्नाले बैंकको साख राम्रो देखिएको छ । सापटीमा बढी व्याज तिर्नुपर्ने र सापटी दिने ‘क’, ‘ख’ र ‘ग’ वर्गका वित्तीय संस्था आफैले सहायक कम्पनीको रुपमा लघुवित्त बैंक खोल्ने वा आफैले लघुवित्त पनि संचालन गर्न लागेकोले पनि लघुवित्त बैंक आफैले बचत परिचालनलाई प्राथमिकतामा राख्नुपर्ने स्थिति आएको छ । यस कारण नै यस बैंकले सापटी कम लिन थालेको र आफैले बचत परिचालन गर्न थालेको देख्न सकिन्छ । यसलाई उल्लेख्य पक्ष मान्नुपर्छ ।

बैंकले आगामी वर्ष अरु थप क्षेत्रमा वित्तीय परिचालन गरि सेवा विस्तार गर्नु जनाएको छ । बैंक राष्ट्रियस्तरको भए पनि पूर्वमा मात्र सिमित छ ।

बैंकले गत वर्षको आम्दानीबाट ५३ प्रतिसतसम्म लाभांश दिनसक्छ ।

समाचारमा आए अनुसार केन्द्रीय बैंकले सबै प्रकारका लघुवित्त बैंकको चुक्ता पूँजी ४ गुणा बढाउन गृह कार्य गरिरहेको सन्दर्भमा भने यस कम्पनीलाई भने कुनै समस्या पर्ने देखिन्न ।

बैंकको पूँजी १२ करोड ५० लाख रुपैयाँ, जगेडामा १८ करोड ५६ लाख ९ हजार रुपैयाँ, सापटी ८२ करोड ५२ लाख रुपैयाँ र सदस्यको बचत ६५ करोड २२ लाख रुपैयाँ रहेको छ । लगानी तर्फ १ अरब ६५ करोड रुपैयाँ रहेको छ ।